Durangoko Oier Ariznabarretak, 1:37:30 eko denborarekin eta Laura Sola, 2:00:10-ekoarekin, irabazle suertatu ziren apirilaren 13an Berako X. Mendi Maratoi Erdian. Ariznabarretak ez du arazorik izan gizonezkoetan irabazteko, Didier Zago, azkeneko 5 ediziotan irabazlearen eta Dabid Garciaren aitzinetik hurrenez hurren, Larun mendia punturik altuena zuen (900 metro) eta 2700 metrotako desnibela zeukan 21 kilometrotako ibilbide gogorrean. Ikusi argazkiak
Irabazleak, probako errekorra hautsi du, 2011z geroztik Didier Zagoren esku zegoen 1 ordu, 38 minutu eta 11 segundutakoa. Ibardineko tarteko helmugan pasatzen ere Ariznabarreta izan da lehena eta 150 euroko saria eskuratu du.
Manttaleko Unai Santamaria hernaniarra eta Joseba Larralde beratarra laugarren eta bosgarren izan dira.
Emakumezkotan, Uztarrozeko Adi-Ike taldeko Laura Sola izan da lehena Berako kiroldegiko helmugara iristen, Aitziber Ibarbia zizurkildarraren (2:08:26) eta Alicia Olazabal irundarraren (2:08:54) aitzinetik. Solak bere lehendabiziko garaipena lortu du Beran.
535 korrikalaritik gora parte hartu duten lasterketan, haietatik 528 iritsi dira helmugara, Nafarroako mendi lasterketen koparen seigarren edizioa irekitzeko balio izan duen proban. Jende aunitz hurbildu da lasterketa ikustera eta bertzelako arazorik gabe eta eguraldi onarekin izan den probataz disfrutatzera.
I. Abiadura eskalada txapelketa larunbatean
Bezperan, lehen abiadura eskalada txapelketa ere egin zen Beran, Mendi Maratoiaren hamargarren urteurrena ospatzeko.
Sailkapena
Gizonak
1. MIKEL AJURIA
2. IKER IRAGORRI
3. ANDER MITXELENA
Emakumeak
1. IRATZ INCIARTE
2. IRANTZU JUANIZ
SUB'17
1. HEGOI GONZÁLEZ