Apirilaren 13an, arratsaldeko 5etatik aitzinera jokatuko da Lesakako udal pilotalekuan Bardoak ekimenako finala. Bigarren fasetik pasatu diren hiru taldeak izanen dira lehian, guztira bederatzi bertsolari eta hiru aurkezle, talde bakoitzetik bana, baina lerro hauek idazterakoan oraindik ez daude zehaztuak.
Finala baino lehen 22 saio egin dira, 60 bertsolarik hartu dute parte horietan, eta osotara 110 parte-hartzaile izan dira.
Nafarroako Bertsozale Elkartetik aipatu dutenez, «Lesakako finala otsailaren 7an martxan jarri zen Bardoak Nafarroako taldekako bertso txapelketaren bukaerako ekitaldia da. Finalaz harago doan ekitaldi bat da, azken bi hilabetetan Nafarroako bazterrak astindu duen kultur dinamikaren azken urratsa».
Finala bukatuta, triki-poteoa eginen da herrian barna. Eguna bukatzeko, afaria eginen da Linddurrenborda sagardotegian.
Sarrerak dagoeneko salgai dira. Sarreren prezioak honakoak dira: 15 euro; Bertsozale Elkarteko bazkideentzat, 16 urtetik beherakoentzat eta langabetuentzat: 10 euro Finalaren ondoren, egin den afarirako txartelak soilik internetez erosten ahal dira. Langabetuek, berriz, soilik salmenta tokietan izanen dituzte salgai sarrerak. Finalaren egunean bertan takila goizetik zabalduko da, frontoian.
Sarrerak www.bertsosarrerak.eu webgunean daude salgai. Horrez gain honako tokitan: Lesaka (Arrano, okindegia), Bera (Kataku eta Errekalde), Elizondo (Fantxike), Leitza (Maimur eta Lekunberri (Lanbroa liburudenda).
Finala antolatzen Lesakako udalak eta Bortzirietako Bertso Eskolak lagundu dute.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!