Gure Txokoa elkarteak urteko batzarra egin zuen martxoaren 15ean. Iazko ekitaldien eta kontuen berri eman zuten eta aurtengorako dituzten egitasmoak ere aurkeztu zituzten. Aipagarria, urri aldera, zuzendaritza batzorde honen legealdia bukatuko dela eta «berri bat sartzeko garaia dela». Matzada futbol zelaiaren arazoa moldatzeko lanean segitzen dutela ere azpimarratu zuten.
Dantza taldeak San Migel zubiko bigarren mendeurrenean parte hartu zuen. Bestetako jaialdian izandako arazoak ere aipatu zituzten. Aurten, jaialdia Herriko Etxeko plazan egin nahi dute.
Pilotan, bestetan Luis Mari Retegiri egindako omenaldia azpimarratu zen. Aurten berriz ere Herriartekoan parte hartzea espero dute.
Futbolean, 165 federatu ditu Gure Txokoak eta aurten jubenilen taldea ateratzea lortu du berriz ere. Erregionaleko taldea osatzeko jokalari ohiak errekuperatu eta futbitokoek futboleko fitxak ere egin dute.
Txirrindularitzan, ohiko ekitaldiez gain, maiatzean Salvador Yanciren omenez eginen den txirrindularitza probaren antolaketan parte hartuko du Gure Txokoak.
Aparteko gastuen artean, Agerrako argiak (2.000 euro), Lesakan ttikiak aritzeagatik ordaintzen dena (1.200 euro) eta Eguberrietan Matzadako ostatuan eta Agerrako etxolan hautsitakoak aipatu zituen.
Caro Barojaren mendeurrena antolatzeko bileretan Lupe Mendigutxia izanen da elkarteko ordezkaria.