Liburuaren Eguna hurbiltzen ari dela-eta, liburutegiak eta Kultur Batzordeak orri marka lehiaketa antolatu dute lehen aldiz. Hiru kategoriatan banatuko dira partehartzaileak (10 urte arte, 11-15 urte eta 16tik goiti) eta lanak liburutegian entregatzeko epea apirilaren 11n, 21:00etan bukatuko da.
Orri markako gaia euskal pertsonaiak edo izaki mitologikoak izanen dira. Orri markaren neurria 6x21 cm.koa izanen da. Kategoria bakoitzean saridun bakarra izanen da eta diploma eta liburu sorta jasotzeaz gain, lan saritu bakoitza editatuko da eta eskuragarri egonen da liburutegian.
Sariak apirilaren 30ean, asteazkena, banatuko dira herri liburutegian. Jasotako orri-marka guztiekin erakusketa bat eginen da liburutegian.