Enaitzen gelako gurasoek Enaitz gara ekimena antolatzen ari dira. Jardueraz betetako maratoi erraldoia jarri dute martxan: horien artean, lehenbizikoa, herriko merkatarien laguntzaz eginen den zozketa erraldoia. Mota guztietako opariak dituzten hamar zare handi osatu dituzte, orain arte Goia kinkaila denda izan denean ikusgai daudenak.
Txartelak Beran ohiko salmenta-puntuetan euro batean daude salgai: Hamaiketako, Garbi cofee, Sarobe, Igone, Pagola, Purienea, Amaleun, Xuga, Beti Jai, Errekalde eta Zubiondo. Zozketa ekainaren 7an izanen da, bertze ekitaldi polit eta ikusgarri baten bukaeran.