Errealzaleen Genaro Taldeak mus txapelketa antolatu du martxoaren 9an, igandean 16:00etan Berako Xuga ostatuan. Irabazleek, Erreala eta Real Madriden arteko partida ikusteko aukera izanen dute, bertze sarien artean.
Apuntatu ere bertan egin behar da, Xuga ostatuan, egun berean, txapelketa hasi baino lehenago, arratsaldeko 4ak arte. Bikote bakoitzak 10 euro ordaindu beharko ditu.
Txapeldunek sari polita izanen dute: Xuga ostatuan otordua, trofeoa eta Genaro Taldeko bufandaz gain, Erreala eta Real Madrilen arteko ligako futbol partida ikusteko sarrera bana izanen dute. Azpitxapeldunek, Genaro Taldeko bufandarekin batera bildots erdi bana izanen dute saritzat eta hirugarrenek, Genaro Taldeko bufanda eta cava eta ardo lote bana.