Duela 36 urte berreskuratutako ohiturari segituz, inude eta artzainek euren lana bete zuten inauterietako igandean Beran. IKUSI BIDEOA Aurten 34 bikote osatu ziren eta giro onean egin zuten herrian barna goizeko ibilbidea, Eztegara frontoitik abiatuta. Ikusi argazkiak.
Inude eta artzainei lagun eginez, beti bezala Momo Erregea eta bere pajeak atera ziren, Amaia Espinosa, Ainhoa Retegi eta Aitziber Esnaola, hain zuzen. Arratsaldean, ongi bazkaldu ondotik, berriz ere Eztegara eta Altzate arteko ibilbidea egin zuten inude eta artzainek.
Gaur, berriz, zingar-arraultze eskean ibiliko dira Beran eta arratsaldean perkusio emanaldia izanen da Afrika Lion taldearekin.