Manttale, Agerra eta Gure Txokoak antolatutako Mendi Eguna eginen da urtarrilaren 12an eta horren baitan Santa Barbarako igoera eginen da seigarren urtez. Baina ez da ekitaldi bakarra izanen. Goizean eskalada tailerra antolatu dute Xanti Susperregirekin. 14:30ean Santa Barbarara ibilaldi gidatua eginen da, 14:45ean haurrentzako lasterketak eta 15:30ean binakako kronoigoera. Ondotik, berendua eta zozketa eginen dira eta 19:00etan Xanti Susperregi eta Mikel Ajuriaren Viajar escalando dokumentala eskainiko da Beralandetan.