Lesakako Batzoki elkarteak antolatutako paleta goma txapelketako lehen eta bigarren mailako finalak jokatu ziren abenduaren 28an Lesakako udal pilotalekuan. 27 urtez frontoiko ostatua kudeatu duen eta jubilazioa hartzekotan den Begoña Tabernari oroigarri bat ere eman zioten antolatzaileek. Ikusi argazkiak
Lehenik, bigarren mailako finala jokatu zen. Hernaniko Ramos eta Zubimendik 25-18 irabazi zieten Loidi eta Olaizolari.
Lehen mailako final gogorrean, berriz, Bizkaiako Amorotoko Jon Arriagak eta Zornotzako Undak 25-23 irabazi zieten Larralde baztandarrari eta Zumeta gipuzkoarrari.
Sari banaketan, Batzoki elkarteko Juan Fermin Mitxelenak txapelak paratu zizkien bi kategorietako txapeldunei eta horretaz gain, oroigarri bat eman zion Begoña Tabernari, 27 urtez frontoiko ostatua kudeatu duen emakumeari.