Ikusirik jende aunitzek zailtasunak dituela udalak emandako su egurretarako loteak ateri eta etxera garraiatzeko, Berako udalak bertze aukera bat eman nahi die herritarrei lote hauek probexteko, Marisol Tabernak sinatutako bando batean ageri denez.
Aitzineko urteetan bezala udala arduratuko da arbolak bota, egurra atera eta eskatzaileak nahi duen tokiraino garraiatzeaz. Izaten ahal da pista bazterrean uztea edo etxeko atariraino eramatea tokia baldin bada horretarako.
Loteak 5 Tonakoak izanen dira eta 200 euro ordaindu beharko da, azkeneko urteetako prezio bera.
Intesatuek 012 deitu eta lotea eskatu behar dute urtarrilaren 15a baino lehen honako datu hauek emanez: Izen abizenak, telefonoa eta lotea eraman behar den lekua.
Loteak esleitu ondoren 012 bidez deituko zaie interesatui ordainketa egiteko eta ondotik loteak banatuko dira.