1913ko abenduaren 9an sortu zen Lucia Larrañeta Burusco Orbaitzetan. Ehun urte beranduago mendeurreneko ospakizunak egin zituzten Berako San Jose Zahar Etxean. Bertan izan ziren Luciaren bi seme-alabak, Pedro Mari eta Maria Jesus, erraina eta suhia, 5 bilobak eta 2 birbiloba. Ikusi argazkiak
Familiako eta Zahar Etxeko bizilagunen zorionak eta musuak ez ezik, Berako kantarien eta adinekoen kantuak eta Herriko Etxeak eskainitako loreak ere jaso zituen astelehen arratsaldean, Marisol Taberna alkatearen eta Isidora Agirre zinegotziaren eskutik. Luntxaren ondotik, Berako Abesbatzak kantatutako meza aditu zuen eta jotak ere abestu dizkiote. Beratik ez ezik, Orbaitzetatik ere hainbat senide etorri dira eta bertako irudiak zituen bandeja eman diote.
Orbaitzetan jaio zen Lucia Larrañeta Burusco duela ehun urte eta gazte denboran zerbitzari lanean aritu zen, hoteletan, jatetxetan… 1946ko maiatzaren 16an ezkondu zen Sixto Ramosekin eta Pedro Mari eta Maria Jesus seme-alabak izan zituzten. 1961ean etorri ziren Berara bizitzera eta beraz, bizi erdia baino gehiago Beran eman du. Seme-alabek 5 biloba eta 2 birbiloba ere eman dizkiote.