Abenduaren 19an antzerki emanaldia izanen da eskolan

Lehenengo hiruhilabeteari akabera emateko­ ekimen batzuen­ ingu­ru­ko xehetasunak jaso ditu­gu eskolatik. 

 

Abenduaren 19an, or­tzeguna, es­kolako an­tzez­­lanak ikus­teko aukera izanen da. Aurtengo­ ikasturtean, berrikun­tza gisa, Raul Gar­cia beratar adituarekin, astearte arra­tsal­de­ro, antzerkia lan­tzen­ ari dira bigarren eta hiruga­rren zikloetan. Helburua ikasleak bere barre­neko aktore eta artistare­kin esperimentatzea da: batetik, begirada, entzu­mena­ eta uler­tze­ko modua garatzen dira, eta bertze­tik, norbere­ eta ber­tzeen­ lanarekiko errespetua eta estimua.

 

Hainbat elementurekin jostatzen dira: espazioa, mugimendua, gorputza eta bere mugikorta­sun zein aukerekin, bakoi­tzaren keinu eta dantzarekin. Bertzeekiko harreman eta kontaktu fisiko eta emozinaletik abia­tzen da norbere lana. Hatsarekin, bozarekin, hitzarekin, kantuarekin, musikarekin, objektu erreal edo imajinarioekin, eta abarre­kin bidaiatzen da. 

 

Honetarako ezinber­tzekoa izan da Guraso Elkartearen laguntza.

 

Iaz egindako baratzean, udazken-neguko produktuekin ari dira.Tipula, porrua, aza, eskaro­la eta pella landatu dituz­te. Eta sukaldeko zabor organikoarekin konposta egiten segitzen dute. 

 

Bertzetik, bide hez­kun­tzarekin loturiko jarduerak  egiten ari dira. Bi egunez, ikasleek ekin­tzak egin zituzten Foru Polizia­ko ordezkariekin.

 

Eskolako ikasleak zarea osatzeko produktuak­ ekartzen hasiak dira eta zoz­ketarako txartelak sal­tzen. Zozketa an­tzerki saioe­tan eginen dute.­

 

Eskolaren mendeurre­naren harira, bideo-klipa atera zen ekainean. Jendearen eskaria dela eta DVDak salgai daude Jaio­neren janari-dendan eta Apezenean.

 

Guraso Elkarteak ateratako 2014ko egutegiak­ salgai daude 5 eurotan. Eskolako ikasle eta irakasleak ageri dira eta hagitz polita da. Laguntzaile guztiak eskertu­ na­hi ditu Guraso Elkarteak.