Azaroaren 16an sasoi bukaerako besta egin zuten usazaleen etxolan. 40 lagun inguru bildu ziren eta giro ederrean bazkaldu zuten Litri akordeoilariak alaituta. Usategietako ehiza sasoia ofizialki azaroaren 20an akabatu bazen ere, egun pare batzuetan segitu zuten sareak jartzen. Aurtengoa eguraldi aldetik sasoi txarra izan da; urrian hilabete ia osoan haizegoa izan zen eta azaroan berriz euria. Sasoiko 50 egunetatik 30 egunetan jarri ahal izan ziren sareak eta urriaren 30 eta 31 izan ziren egunik garrantzitsuenak, 19 eta 18 dozena uso harrapatuta.
Bisiten aldetik berriz, aurten haizego egun aunitz izanik, inoiz baino jende gehiago animatu da bisita gidatuak egitera. Denera 450 lagunek egin dute, hala aitzineko urteko bisitariak bikoiztu dira.
Bertzalde aurten komunikabide aunitz etorri dira tradizio hau ezagutzera: Euskal Telebista, Euskadi Irratia, Xaloa Telebista, Tele 5, Navarra TV, Radio Marca, Radio Irun, Euskalerria Irratia... Etb1eko "kontrako eztarria" programan ere parodia egin zieten usazaleei.
USATEGIETAKO BOLETOEN ZENBAKI SARIDUNAK
Azaroaren 15ean egin zen boletoen zozketa eta hauek dira zenbaki sarituak.
1. saria: 12 uso bizirik, 346 zenbakia; 2. saria: 2 lagunentzako afaria Elutsa ostatuan, 141 zenbakia; 3. saria: Usategietako produktu lotea, 318 zenbakia.
Lehenengo saria Landaburukobordara joan da eta bigarren eta hirugarren zenbakiak dauzkatenek hiru hilabeteko epea dute 690267756ra deitzeko.