Berako Isidoro Fagoaga Udal Musika Eskolak Santa Zeziliako kontzertua antolatu du azaroaren 19rako. Astearte arratsaldeko 6etatik aitzinera musika doinuak aditzeaz gain, joan den ikasturtean bigarren maila bukatu zuten ikasleei diplomak banatuko zaizkie.
Musika emanaldiarai dagokionez, Iker Garciak gitarrarekin Estudioko “Canço de tarda” joko du; Olatz Etxeparek klarinetearekin Juchem-en “Moderato 2” eta Debussyren “Le petit negre”; Joseba Perezek saxofoiarekin Schfrin-en “Misión imposible” eta Snideroren “Shuffle in f”; Ane Pachecok trikitixarekin, Miren Amuriza eta Maialen Arzallusen “Amei”; Ainhoa Telletxeak pianoarekin “New cot cot”; Olatz Peretz klarinetearekin eta Joseba Perezek saxofoiarekin bikote eginez Harrison-en “Looking up”; Iker Garcia, Maria Etxenike eta Lizar Elexpuru gitarristek Lain-en “Zure doinua”; Iker Garciak gitarrarekin eta Asier Osesek txistuarekin Sorotan Beleren “Arratsalde honetan”; piano taldeak “John Ryan’s polka” irlandar herrikoia; Ibai Rosek perkusioarekin Museren “City of delusion”, Oihana Amoros eta Ane Bereau trikitilariek Kristina eta Amaiaren “Ilargi bete” eta bukatzeko, perkusio taldeak Nubbell-en “Knick snack” joko du.