Manttale taldeko Joseba Larralde Altzugarai kirolari beratarrak irabazi du Nafarroako Mendi lasterketen txapelketa. Urriaren 26an, Tafallan jokatu zen Hiru Mugak lasterketan erabaki zen txapela eta duela bi urte arte bizikletan ibiltzen zen beratarra garaile izan zen. 21 kilometro terdiko luzera eta 1.550 metroko desnibel positiboa zuen ibilbide gogorra osatzeko 2 ordu, 2 minutu eta 25 segundu behar izan zituen.
45 segunduko abantaila atera zion bigarren izan zen Saltoki taldeko Endika Gartzia Eizagirreri. Hirugarrenari, berriz, 6 minutu eta 45 segunduko aldea atera zion. Javier Tirapu Corerak osatu zuen proba nagusiko podiuma.
Emakumezkoen artean, Laura Sola de Miguel da Nafarroako txapeldun berria. Beteranoetan Ander Unzurrunzaga Iurrebaso nagusitu zen, Carlos Garcia Rekondo eta Xabier Azpirotz Saralegiren aitzinetik eta emakumeetan Antonia Gil Martinezek irabazi zuen, Inma Aldazen aitzinetik.