Berako Euskara Batzordeak, Bortzirietako Mankomunitatearen eta Berako Kultur Batzordearen laguntzaz antolatutako Kafe-Antzerki Zikloaren hamabosgarren edizioak aitzinera segitzen du. Hala, ortziral honetan, azaroak 8, bigarren antzerkia ikusteko aukera izanen da.
Begiradak Taldeak Balitzen hioa antzezlana aurkeztuko du Lixoia ostatuan, 22:00etatik aitzinera. Ikuskizun hau sortzeko lau bertsolariri proposamen bat egin zieten: nahierara, hitzen inguruan hainbat testu idazteko eskatu zieten, eta, gero, testu horiek haria balira bezala, ikuskizuna josi dute. Ainhoa Agirreazaldegi, Andoni Egaña, Maialen Lujanbio eta Uxue Alberdiren hitzak erabili dituzte hitzaren inguruko gogoetak eta iruzkinak ardatz dituen ikuskizun honetarako.
Berako Kafe Antzerki Zikloarekin bukatzeko, azaroaren 16an Tartean Teatroa taldeak Lingua Nabajorum taularatuko du