Azaroaren 2an, eskolako guraso elkartearen eskutik, 16:30etik aitzinera, haurrentzako filmak izanen dira Baskulan. Lehendabiziko marrazki bizidunak jarriko dira ttikienentzat eta 17:30 aldera, koxkorragoentzat filma izanen da. Krispetak ere banatuko dira egonaldiaz gozatzeko.
Ilunabarreko 8etan berriz, Zirika Zirkusen Patxila Lamur helduentzako antzezlana ikusgai izanen da eskolako gimnasioan.