Berako Euskara Batzordeak, Kultur Batzordearen eta Bortzirietako Mankomunitatearen laguntzaz antolatutako Kafe-Antzerki Zikloaren hamabosgarren edizioa azaroaren 1ean, ortziral arratseko 10:00etan abiatuko da Ikuilu ostatuan, Oihan Vegaren Euskararen espektakulue ikuskizunarekin.
Azaroaren 8an, ortziral arratseko 10:00etan Lixoia ostatuan Balitzen hioa antzezlana aurkeztuko du Begiradak taldeak eta azaroaren 16an, larunbat arratseko 10:00etan, Tartean Teatroa taldeak Lingua Nabajorum taularatuko du Kultur Etxean. Bi lehenbizikoak doan dira, baina azken honetan 7 euroko sarrera ordaindu beharko da.