Lesakako San Fermin Erretiratuen elkartearen eguna ospatuko da urriaren 25ean. Ortziral eguerdiko 12:30ean Meza Nagusia izanen dute San Martin parrokian. 13:30ean aurreskua dantzatuko zaie omenduei Plaza Zaharrean eta 14:00etan bazkaria izanen dute herriko frontoian.
Bazkalondoan, 16:30 aldera, aurten Urrezko Ezteiak betetzen dituzten hiru senar-emazteei omenaldia eskainiko die Nafarroako Kutxa Fundazioak. Hain zuzen, Rafael Fernandez Millan eta Maria Teresa Martínez Iantzi, Modesto Ubiria Eguzkiagfirre eta Mari Carmen Maritorena Danboriena eta Alejandro Zubieta Tapia eta Josefa Gabriela Manterola Arbelaitz omenduko dituzte.
17:00etan zozketa eginen da eta 17:30ean elkarteak antolatutako txapelketa ezberdinetako sari eta trofeo banaketa eginen da. Bukatzeko, 18:00etan dantzaldia izanen da.