Eskualdeko bertze herri batzuetan azken hilabeteetan gertatu den bezala, Arantzako Udalak ere jaso du Herriko Etxeko balkoian bandera espainarra paratzeko errekerimendua. Irailaren 19an herriko etxean bandera espainiarra jartzeko eskatuz idatzizko eskaera bat jaso zuen alkateak.
Joan den asteazken arratsaldean batzar baterako deia egin zen gai honi buruz solasteko eta bertan erabaki zen urriaren 4an, ortziral arratseko 8etan herri batzarra deitzea, herrian zer egiten ahal den hausnartzeko. Baskulan izanen da hitzordua. Aitzinetik plenoa egitekoa dute Herriko Etxean, eskaerari helegitea jarri edo ez erabakitzeko eta gero herritarrekin adostu nahi dituzte herri mailan har daitezkeen neurriak.