San Migel besten aitzinetik, larunbat eta igande honetarako iragarriak ziren ekitaldiak bertan behera gelditu dira Igantzin, atzoko auto istripuan hildako herriko gaztea gogoan. Endarlatsa aldean, auto batek eta kamioi batek aurrez aurre jo zuten eta istripuaren ondorioz, autoan zihoan 23 urteko igantziarra hil egin zen.
Hainbat ekitaldi aurreikusiak ziren asteburu honetarako: marmitako txapelketa, plater tiroketa, herriko dantzarien emanaldia, bertso afaria, herri kiroalk, gazta lehiaketa eta ardo dastaketa, jubilatuen bazkaria, artzain zakur txapelketa... Horiek guztiak hilabete batzuk gibeleratzea erabaki du Igantziko Besten Batzordeak.