Udako geldialdiaren ondotik, astearte honetan paratu dute berriz martxan Jubiloteka zerbitzua, Bortzirietako Oinarrizko Gizarte Zerbitzuak Udalaren laguntzarekin bultzatua. Ekainera bitarte, astearte eta ortziraletan elkartuko dira Lagun Haundiak elkartearen egoitzan, 10:00etatik 13:00etara, Ramoni Ordoki psikologoarekin.
Familiei zainketan laguntzea eta mendekotasunaren prebentzioa lantzea dira Jubilotekaren helburu orokorrak, eta horretarako astean bi aldiz bilduta, ariketa fisikoak (luzaketak, oreka), mentalak (kontzentrazioa, harreta, kodifikazioa...) eta sozialak (ariketak taldean, taldeko kide sentitzeko, isolamendutik ateraz...) eginen dituzte.