Arantzako Eguzkialdea eta Igantziko Piedade auzoetan larunbata besta eguna izanen dute

Ttipi-Ttapa 2013ko irailaren 6a
Deskargatu Info Ahotsak :
Español English Français Català Galego

Joan den urtean Arantzako Eguzkialdeko bestetan, auzotarrak eta Donato eta Oihan Larretxea aita-semeak aizkoran.

Arantzan egun osoko besta prestatu dute eta Igantzin auzotarrek bazkaria eginen dute

Arantzako Eguzkialdea auzoan, eguerdian altxaferoa botako dute eta hortik aitzinera, bertsolariak, trikitilariak, herri kirol probak, bazkaria, dantzaldia, pintxo jatea eta kantzontzilo eta kulero  lasterketa eginen dituzte. Herri kirol saioan, Donato Larretxea eta Joxe Mari Olasagasti aizkolariak ariko dira, eta harrijasotzen Unai Bertiz. Auzotarrak ere herri kiroletan ariko dira. Igantziko Piedade auzoan, berriz, auzotarrek bazkaria eginen dute Iñarburu gainean.

Bestak ez du etenik eta asteburu honetan hainbat herri eta tokitan bestak ospatuko dituzte. Horien adibide dira Arantzako Eguzkialde auzoa eta Igantziko Piedade auzoa.

Arantzako Eguzkialdeko bestak

12:00etan al­txa­feroa botako dute Xabier Lejarreta eta Asier Azpiroz bertsolariak bertan direla. Auzoko­ trikiti­lariek ere momentua alaituko dute. 13:00­etan, herri kirol probak izanen dira: Donato La­rretxea eta Joxe Mari Olasagasti aizkolarien saioa, eta Unai Bertiz harrijasotzailearen erakustaldia. Eurekin batera, auzotarrak ere herri kiroletan ariko dira. 14:00etan, baz­kari ederra eginen dute eta 18:30ean Salbador Madariaga akordeoilariarekin dantzaldia izanen da. Ilunabarrean pintxo jatea eginen dute eta gauer­dian, berriz, kan­tzontzilo, kulero eta tanga lasterketa eginen da.

Igantziko Piedadeko bestak
Piedade auzoko bes­tak ospatuko dituzte larunbat honetan Igantzin. Ohi­tu­rari segituz, auzota­rrek bazkaria eginen dute Iñarburu gainean­.

Politika Bortziriak

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun