Gasaren azterketa faltsuak egiten ari direla ohartarazi du Lesakako Udalak. Etxez etxe eta baserriz baserri joaten dira gasaren azpiegituraren azterketa egin behar dutela erranez, baina baimenik gabe. Ez da azterketa ofiziala, baina Lesakako Udalak erran duenez, «jendeari ongi kobratzen diote eta zerbait sinarazi».
Egiazko teknikoek ez dute dirurik kobratzen
Gai honi buruz GasNaturalek baimendutako teknikoek TTIPI-TTAPAri jakinarazi diotenez, «iruzur klase hori maiz gertatzen da errebisio garaiak izaten direnean. Horrelakoetan, iruzurgileek bereziki adineko pertsonak aukeratzen dituzte engainua egiteko eta, bidenabar, dirua kobratzeko». Dena den, egiazko teknikoak «ez dutela dirurik kobratzen» azpimarratu dute. Beraz, «teknikoren bat etxera etorri eta eskura kobratu nahi duela adierazten baldin badu, seguru iruzurra dela» gaineratu dute.