Elkarrizan boluntario taldearen ekimenez, zortzi neska-mutikok eskolako laguntza jaso dute abuztuan Lesakan. Astean bi egunez aritu dira, astearte eta ortzegunez, Ainhoa Azkarraga irakasle eta boluntarioarekin. Lesakako Parrokiak utzitako gela batean elkartu dira, eta Alfonso Obeso izan da gelaren eskaeraz arduratu dena.
Honen harira, Bortzirietako Gizarte Zerbitzuetatik eta Elkarrizan taldetik adierazi dute, urteko ekintzekin segitu nahi dutela: eskolako laguntza eskainiz udan, ikasturtean helduentzako alfabetatze klaseak, etxera, zahar etxe edo ospitalera joateko laguntza urte osoan... Interesa duenak 948 635036ra deitu edo ssb@lesaka.net-era idatz dezake.