Merkataritza, gastronomia eta musikaz gozatzeko aukera ederra izanen da abuztuaren 24an Lesakako Plaza Zaharrean. Lesakako Zerbitzuen Elkarteak, udalaren eta Nafarroako Gobernuaren laguntzaz antolatuta, Gau Azoka eginen da, 20:30etik 01:00etara.
Gisa honetako lehen ekimena da eskualdean eta herriko dendek plaza zaharrean jarriko dituzte beraien postuak.
Zehazki Ordoki altzariak, Telletxea argazkidenda, Mendegia harategia, Oninart jantziak, Kattagorria lentzeria, Bixkiak Kirola eta Moda, Txinelka zapatadenda, Dasya zentroa, Intzuri optika, Ortzadar moda, Osiña moda eta Izarra okindegia izanen dira plazan, musikaz eta pintxoez lagundutako gaualdian.