Hamargarren urteurrena ospatu du Kultur Etxeak

Ekain erdialdean Kultur Etxeko X. urteurrena  ospatzeko antolatu ziren ekitaldiak arrakastatsuak izan ziren. Lau egunetan banatu ziren  eta denetara jende franko hurbildu zen.  Ekitaldiz osatuena zegoen azken egunera hurbildu zen jende gehiena . Ospakizun ekitaldi hauek antolatzerakoan planteatu ziren bi helburuak bete ziren. Kultur etxe­ko hamargarren urteu­rrena ospatu eta  herritarrak ekitaldietara hurbiltzea lortu baitzen. Hori lortu ahal izateko, oina­rrizkoa izan da herrita­rren laguntza. Horregatik eskerrak eman dizkiete Landagain eskolako maisu eta ikasleei bere saioarengatik, Itziar Mendikoa eta haur taldeari egindako muralarengatik, Juan Luis Garikano eta Ainhoa Berruetari eskainitako proiekzioengatik eta Elizagoien ahizpei lun­txa bere musikarekin alai­tzeagatik.