Aurtengo ikasturtean, iazkoan bezalaxe, asko izan dira Euskaltegira euskara ikastera joan edota Solas Laguna egitasmoan parte hartu dutenak. Ikasturte amaiera iritsita, egindako ahaleginak saria izanen du. Ikasle, irakasle eta bolondresei beren gogoa eta euskararen alde egindako apustua eskertu nahi diete Udaletxeko Kultur Batzordeak eta Igantziko Eskolak. Hala, Eskolak eta Guraso Elkarteak Euskaltegian parte hartu duten ikasleen gurasoei matrikularen zati bat ordainduko diete. Horrekin, gurasoei diruz laguntzeaz gain, datorren urteari begira, egoera berdinean dauden eskolako bertze gurasoak euskara ikastera animatu nahi dituzte.
Udal Kultur Batzordeak, bere aldetik ere sarituko ditu. Uda honetan euskaraz egingo diren kultur emanaldietako batera gonbidatuko dituelako. Emanaldiak, Bortzirietan, Gipuzkoan edota Nafarroan eginen dira. Egitasmo hauekin urtetik urtera, geroz eta jende gehiago animatzea nahi dute.