Eskolaren mendeurreneko besta gogoan hartzekoa izan da

Ekainaren 8a egun gogoangarria izan zen herritarren­tzat. Eskolaren 100. urteurreneko bes­ta izan zen. Hainbat herritarrek, modu ba­tean­ nola bertzean, auzolanean egindako lanaren fruitua izan zen  eta egun ederra­ atera zen. Egunaren aitzi­neko, egun bereko eta geroko lanak egiteko he­rritarren partehartzea haundia izan da eta zinez es­kergarria. 

Garai bateko irakasle eta ikasleek elkarrekin solasteko eta garai bate­ko gertaerak oroi­tze­ko tarte­ ugari izan ziren. Guzira ia 40 irakasle eta irakasle ohi bildu ziren; belaunaldi ezberdinetako dozena­ka ikasle eta ikasle ohi… Giro berezia izan zen.

Goizeko aurkezpen ekitaldia esko­lako patioko gorapean abiatu zen. Aitor Elexpuru esko­lako zuzendariak gidari lanak egin zituen; Jaime Iturria­ alkateak eta Martin Lega­rra apezak ere hitz ba­tzuk eskaini zituzten, eskolaren eginbeharra goraipatuz. Ondotik, herriko haurrek Axu­ra etxalartarrak bere garai­an Aran­tzako eskolako la­nez egin­dako ber­tsoak kanta­tu zituzten: Las eternas obras de la escuela de Aranaz. Urte aunitz iraun zuten eskolako lanek. Men­deurreneko logo be­rria ezagu­tzeko aukera ere izan zen, Mikel San Roman artistak egina. Irudiari erre­pa­ra­tuz, jakin­du­riaren sinbolo­ den hon­tza ageri da, eta enbo­rrak­ eta hon­tzaren begiek 100. ur­teurrena islatzen dute. Horrez gain, berri ona jaso zuten he­rrita­rrek alkatearen ahotik. Eskolako eraikina ttiki gelditu da eta haundi­tze lanak egiteko azkeneko tramiteak egitera doaz eta udan, gela berri­ bat egite­ko lanak egin nahi dituzte.

Segidan, gimnasioan argazki eta mate­rial era­kus­ketaz gozatu zuten gu­ziek. Sebastian Lizaso­ eta Millan Telleria ber­tso­la­riek kantatu eta gero, dan­tzari eta txistularien saioa izan zen. Trikitilariek kalejira egin zuten­.

OMENALDIA

Ia 300 bazkaltiar bildu­ ziren frontoian. Bazkalostean, Juanita Larralde 37 urtez irakasle denak eta ia 25 urtez sukaldaria den Sagrario Iparragi­rrek omenaldia jaso zuten. Herriko kantariak, akor­deio­lariak eta bertso­la­riak ere aritu ziren. Egun honetarako egindako kanta ere kantatu zuten. Arra­tsean pin­txoak­ eta ogitarte­koak­ izan ziren eta Age­rraldek­ arra­tseko giroa alaitu zuen.