San Juan bestaren inguruan ekitaldi batzuk prestatuko dira aurten ere. Kultur Batzordeak proposatuta, San Juan Bezperan toka lehiaketa, triki-poteoa eta afari herrikoia frontoian eginen dira. Afarira norberak bere jana eta edaria eraman beharko du. Afaria bukatuta trafikoari moztutako errepide puxkan egindako suen gaineko jauziak, trikitilarien soinuak animatuta noski. Ekintza hauek aitzinera eramateko herritarren parte hartzea eta laguntza ezinbertzekoak direnez, Kultur Batzordekoekin gaiari buruz solasteko edota ideiak proposatzeko edozein momentutan solasten ahal da.
Biharamonean, San Juan egunean, San Juan Xarren eginen diren mezak, dantzarien erakustaldiak eta Baratzondo Elkartean eginen den bazkariak aukera ezin hobea eskaintzen dute leku xarmanta eta berezian disfrutatzeko. Argibideak Kultur Batzordeak herrian zabalduko ditu.
Kultura Batzordeak bestetako bilera ere deitu du. Ekainaren 25an arratsaldeko 7etan Udaletxean izanen da.