Berako Isidoro Fagoaga Udal Musika Eskolak udako kontzertua eskainiko du ekainaren 5ean, asteazken arratsaldeko 5:30etik aitzinera Kultur Etxean.
Hastapen maila eta Hizkuntza Musikaleko lehenengo mailako ikasleek, The Policeren “Every breath you take” eskainiko dute; Musika eta Mugimenduko 4, 5 eta 6 urteko ikasleek, hastapen mailakoek eta Hizkuntza Musikaleko lehenengo mailakoek Offenbach-en “Can-Can”; Kultura Musikaleko bigarren mailako ikasleek Mix-en “Basque little Beatles”; Maider Tapia, Nerea O’Leary eta Maddi Mellado bibolinjoleek, Mari Jose Bergara pianoan lagun dutela, “Amazing grace” eskoziar herrikoia; Jone Leiza eta Gemma Leiza pianojoleek, Zuhatz Larrondo teklatuan lagun dutela, Mel Leven-en “Cruela de Vil (101 dalmatas)”; Txistu taldeak “Andre Maddalen” eta “Itxaropena” herrikoiak; Ane Fagoaga, Maialen Larrañaga, Nerea Perez, Ainara Fernandez eta Lurdes Iza akordeoilariek, Leire Ruiz eta Carmen Moreno teklatuetan lagun dituztela, Bacharach-en “Raindrops keep falling on my head”.; Ainhoa Larretxea eta Sarai Etxarte trikitilariek Esne Beltzaren “Infernuko hauspoa”; trikitixa taldeak “Ixil-ixilik” herrikoia; biolin taldeak, Igor Telletxea bajoarekin, Araitz Bizkai gitarrarekin, Ibon Irastorza bateriarekin, Mari Jose Bergara teklatuan eta Katti Irastorzaren ahotsarekin Mike Olfield-en “Moonlight shadow”; gitarra taldeak Vendettaren “Buonasera”; perkusio taldeak “Veva percussion”; haurren eta helduen abesbatzek, Jon Aizpuru pianoan, Araitz Bizkai gitarran eta Igor Telletxea baterian lagun dutela, Oskorriren “Euskal Herrian euskaraz” abestuko dute; talde instrumentalak Klaus Badelt-en “Karibeko piratak” joko dute eta haurren abesbatzak eta talde instrumentalak elkarrekin, Ion Aizpuru pianoarekin, Araitz Bizkai gitarrarekin eta Igor Telletxea bateriarekin lagun dutela, Abbaren “Dancing Queen” eskainiko dute emanaldia bukatzeko.