Ekainaren 2an ospatuko da Gasna Feria eguna. Goizeko 10etatik 2etara gasna eta eskulangileen azoka egonen da ikusgai. 12:30ean herriko trikitilariek emanaldia eskainiko dute. 14:00etan Baztan-Malerreka-Bortzirietako XXI. gasna lehiaketaren sari banaketa eginen da eta ondotik frontoian bazkaria izanen da. Bazkarirako txartelak Elutsan egon dira salgai maiatzaren 28a arte. 18:00etan herriko dantzariek dantza saioa eginen dute. Egun osoan eskola zaharretan eskulanen erakusketa eta Iriondoan labrantzako tresna zaharren erakusketa izanen dira ikusgai.