Aitzinako ohitura berreskuratu egin du Udalak: auzo-lana zuzentzen duen arautegia aho batez onartua izan da eta hemendik aitzinera martxan paratzeko eman behar diren urratsak ematen hasiko da: bilerak deitu, lanen zerrenda egin, auzoetako arduradunak izendatu… Murrizketei aurre egiteko era solidario bat izanen da: guztion eskuetan izanen da herriak behar dituen hobekuntzak burutzea, eta gutti ez direnez, denon parte hartzea inoiz baino garrantzitsuagoa izanen da. Arautegia Udaletxean nahi duenak irakurtzen eta eskatzen ahal du.
Bertzaldetik, Udalak aldi baterako bi langile kontratatu ditu: 6 hilabetez egunero 6 orduz albinteari laguntzen ariko dira.
Kultur Batzordea San Migel besten antolakuntzan hasia dela eta laster bilera deituko dutela erran digute. Ea jendea animatzen den!