Duela urte batzuk ateak zabaldu zituen Arantzako Pelle Ttiki Haur Eskolak lanean segitzen du. Ikasturte honetan guztira bederatzi neska-mutiko egonen dira Koldobike Gorostiza hezitzailearen zaintzapean eta martxa onean doan seinale da hori.
Heldu den ikasturtea prestatzeari ere ekin dio eta ortzegun honetan, maiatzak 16, eginen den bileran hori izanen da, bertzeak bertze, hizpide. Matrikulazio kanpainaren inguruan ariko dira eta egunerokotasunaren aurkezpena ere eginen dute 16:30ean, Baskulan.