Berako Isidoro Fagoaga Udal Musika Eskolak antolatutako jaialdia ospatu zen maiatzaren 11n, larunbat arratsaldean. Jaialdi honetan, musika eskolakoek egindako kalejiraren ondotik, herriko talde ezberdinek abestu zuten ekitaldirako prestatutako kantak. Ikusi argazkiak
Altzateko plazatik abiatu zen Musika Eskolakoen kalejira eta leku berean paratutako oholtzan eskaini zuten emanaldia talde ezberdinek: jubilatuak, Aspaceko ikasleak, mendi taldeak, ikastetxe ezberdinetako guraso elkarteak eta udal ordezkariak, musika banda, abesbatza, kirolariak, dantzariak, musika eskolako neska-mutikoak… hainbat eta hainbat talde igo ziren, beraien emanalditxoa eskaintzera eta Altzateko Plaza betetzen zuen jendeak gustura aditu zituen bere kantuak.