Kantabriako San Felices de Buelna herriko Encina de la Mata abesbatzak gura ingurua bixitatuko du asteburuan eta bi kantaldi eskaintzeko aprobetxatuko du. Maiatzaren 4an, larunbat arratsaldeko 8etan Berako Kultur Etxean kantatuko du eta maiatzaren 5ean, igande eguerdiko 12:00etan Lesakako elizan.
Berako emanaldia Berako Abesbatzak antolatu du, Berako Kultur Batzordearen laguntzarekin. Kontuan hartu behar da Berako abesbatzak Kantabrian izan zirela joan den asteburuan, San Felices de Buelnako Musika Topaketan parte hartzen, beraz, oraingoa elkartrukeko emanaldia da. Lesakako emanaldia berriz, Lesakako Abesbatza antolatu du, udalaren laguntzaz.
Encina de la Mata abesbatza
Kultur elkarte gisa 1986an jaioa da Matan, San Felices de Buelna (Kantabria) udalerriko herri batean.
Ginés Molina Alonso zuzendaripean hasiak, urte hartako azaroaren 29an eman zuten euren lehenbiziko kontzertua. 1993 eta 1995 urteetan zehar bere lehenbiziko etapako maila altuena lortu zuen: Kantabriako Nestlé S.A.-ak antolatutako “Santa Cecilia” Abesbatza Musika Lehiaketan saritua. Horrez gain, hainbat kontzertu esanguratsu eman zituzten: Santa Casilda Santutegian, Burgos; Cigalesko Mahaska Jaian, Valladolid; La Felguerako Santa Barbara jaietan (Asturias). 2000ko martxotik aitzinera Luis Bueres San Emeteriok eraman zuen abesbatza eta 2005eko urtarriletik Margarita Cano Fernandezek eraman zuen. Garai horretan hasi ziren atzerriko lehenbiziko irteerak egiten: UNESCOko Jauregia, Paris (2006ko urtarrila), Leiria (Portugal), Holanda…. Sasoi horretan, estatuko hainbat hiritan kontzertuak eman ondotik bere CD bakarra grabatu zuen.
Errepertorioa
Ave María – Miguel A. Samperio
Alma, corazón y vida – (vals criollo) E. Ezcurra
Bullerengue – Juan A. Rincón
Sin Tí – Pepe Guizar
Te quiero – M. Benedetti / A. Favero
Canteros de Covadonga – Juan A. Castro
Negra Sombra - Rosalía de Castro/ Juan Montes
Pasiego soylo – Lorenzo Morante
Las barandillas del puente – Nobel Sámano
Ronda en Salines - Nobel Sámano
Brindis – W. A. Mozart
Halleluja - Leonard Cohen
The lion sleeps tonight – Arr. Julio Dominguez
Oh when the saints – pop. norteamericano
Oh happy day – Ilenoch Thomas Jr./Newton W. Macedo