Txoko-Txiki ipuin eta ilustrazio lehiaketaren hogeita hamargarren edizioa antolatu du Tantirumairu ikastolak, Udalaren laguntzarekin. Herriko 6 eta 12 urte bitarteko ikasleek hartu dezakete parte lehiaketan. Ipuinen kasuan, gaia librea izanen da eta eskuz idatzita aurkeztu beharko dira, idazkera ulergarria eta txukuna erabiliz. Ilustrazioetan, berriz, Barbantxo ipuina marrazkien bidez azaldu beharko dute. Kasu honetan DIN A4 neurrian aurkeztu behar dira marrazkiak, nahi den teknika erabiliz. Lan guztiak goitizenez sinatuko dira eta aparteko orri batean, egilearen izena, adina, maila eta helbidea idatziko dira. Dena kartazal batean sartu ondoren, maiatzaren 6a baino lehen ikastolara igorriko dira.