Tantirumairu Euskal Folklore dantza taldeak antolatuta Tantirudantza jaialdia ospatuko da apirilaren 21ean. Herriko Tantirumairu dantza taldeko neska-mutikoekin batera, Tolosako Udaberri, Getariako Gure Txeru eta Dulantziko Haize dantza taldekoak gonbidatu dituzte aurtengoan.
Igande goizeko 11:00etan kalejira eginen dute taldeek bakoitzak bere aldetik, ibilbide ezberdinetan. 12:15ean Zubigainekoa dantzatuko dute herriko dantzari ttikiek eta 12:30ean plazan bilduko dira talde guziak saioa eskaintzeko. Kanpoko dantzariak herrikoen etxeetan banatuko dira bazkaltzeko eta arduradun eta musikariek elkarrekin bazkalduko dute. 17:30ean Irrien Lagunak ikuskizuna eskainiko da plazan, Martinbertso, Marikalanbre eta Largabistaren eskutik.