Kontrabandisten bidexketan barna ibili eta haien inguruko pasadizoak ezagutzeko aukera izanen dute martxoaren 23an, larunbatean, Etxalarren. Gidari baten laguntzaz, hiru orduko ibilbidea eginen da gauez. Ilunbanarreko 20:00etan egin dute hitzordua pilotalekuan, bertak norberak etxetik ekarritakoarekin afari-merienda eginen dute. 20:30etan abiatuko dira eta Usategieta ingururantz. Handik Lizaietara eta segidan Gorosurreta auzoan barna ibiliko dira. Etxalarko pilotalekuan amaituko da ibilaldia 24:00etan. Ibilaldi zirkularra izanen da, mendiko bide, bidexka eta pistetan barna eta tartean geldiuneak eginen dituzte hainbat pasadizo kontatzeko. Martxoaren 20an amaitu zen izena emateko epea eta Bertiz Turismo Partzuergoak jakinarazi duenez, ez da aurretik izen eman gabeko inor onartuko.