Martxoaren 21ean hitzaldia emanen du Bartzelonako idazle eta artistak

Feminismoa da Ernai antolakunde sortu berriaren oina­rrietariko bat, eta honen adierazpide berritzaileenetariko bat lantzea proposatu dute Lesakako Ernaiko kideek: pornoterrorismoa. Diana J.Torres gai hau jorratzen ibili izan da azken urteetan. Queer mugimendua, transfeminismoa, prostituzioa eta postpornoaren inguruan egiten du borroka, eta horri lotutako performance zein poesiak egin izan ditu. “La muestra marrana” festibalaren sortzaileetariko bat ere bada, eta ber­tzeren artean eiakulazio femenino tailerrak ematen ditu. Sexualitatea, politika eta bertze­ hainbat gairen inguruan eztabaidatzeko aukera izanen da martxoaren 21ean beraz, eta Lesakako Ernaiko kideek gazte zein helduak animatu nahi izan dituzte bertara hurbiltzera. Gaiaren inguruko informazio gehiago nahi izanez gero ikus http://pornoterrorismo.com webgunea.