La Caixaren gizarte-ekintzak bultzatzen duen CaixaEscena gazteendako antzerki topaketetako saio bat Arantzako Aterpen izanen da martxoaren 22tik 24rako asteburuan. Estatu osoan (Madril, Murtzia, Zaragoza, Oviedo, Andaluzia eta Galiza) egiten ari diren topaketa hauetan mila gazte baino gehiago ari dira parte hartzen, antzerkia bultzatu eta ikasle eta irakasleen sormena eta talentua bultzatzeko. Euskal Herri osoan Arantzan bakarrik izanen da saioa eta bertan parte hartuko dute Tafallako La Tribu, Zintruenigoko La Paz, Iruñeko Salesianos, Tuterako Benjamín de Tudela, Bilboko Txurdinaga Behekoa eta Kantabriako Puente de San Migueleko Teatro 9 Valles antzerki taldeek, Egos Teatre konpainiaren aholkuekin.