Iñude eta Artzaiek bere lana bete zuten inauterietako igandean. Azken asteetako eguraldi euritsuak igande goizean eman zuen atsedenaldia aprobetxatuz, 40 bat bikote osatu ziren eta giro onean egin zuten ibilbidea, Eztegara frontoitik abiatuta. Lagun eginez, beti bezala, musika banda eta Momo Erregea eta bere pajeak zeuden, Hegoa Telletxea, Xamal Vazquez eta Luka Remiro aurten. Momo Erregeak, iñuderen bati maindirea itsatsi zitzaiola ikusirik, dantza egin zuen bikoterik gabe gelditutako artzaien batekin. Astelehenean, goizeko Zingar Arraultz eskearen ondotik karrozen desfilea egin zen karriketan.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun