Espainiako gerrako biktimen omenez ekitaldiak antolatu ditu Berako udalak otsailaren 28an eta martxoaren 2 eta 3an. Aranzadi elkarteko Jimi Jimenezek emanen dio hasiera hiru egunez eginen den omenaldi zikloari. Otsailaren 28an, ostegunean, "Exhumando fosas, recuperando dignidades" hitzaldia eskainiko du Beralandetan 19:30ean.
Larunbatean berriz, Jose Luis Peñafuerteren Los caminos de la memoria" dokumentala izanen da ikusgai 19:30etik aitzinera Kultur Etxean. Ekitaldi nagusiak, martxoaren 3an igandean antolatu dituzte. 11:00etan lore eskaintza eginen da eta hilarria agerian paratuko da. 12:00etan ekitaldi nagusia eginen da Herriko plazan kantari, musikari, bertsolari, dantzari eta hizlariekin. Euria eginen balu, Kultur Etxean eginen litzateke. Akautzeko, bazkaria eginen da Zalain jatetxean.