Salgai-hondarren feria bosgarren urtez egitea erabaki du Larun-Haizpe merkatarien, ostalarien eta zerbitzu enpresen elkarteak. Igandean, otsailaren 24an, izanen da Toki-Ona kiroldegian. Udalaren eta Nafarroako Gobernuaren laguntza izan dute ekimena aurrera eramateko eta herriko 8 dendarik jarriko dituzte beren postuak. Stockean dituzten artikuluak prezio onean eskainiko dituzte. Erosketak egitez gain, jan-edanerako aukera ere izanen da kiroldegian jarriko dituzten barretan. Gainera, ostatu laguntzaileetan azokara sartzeko sarrera erakusten dutenek, tragoxka bat doan hartzeko aukera izanen dute.
Agara Kirolak, Arturo arropa denda, Bortziriak etxetresnak, Domoservice Zerbitzu informatikoak, Garbi Ogi-Coffee kafetegia, Martzutzak arropadenda eta osagarriak, Elika dietetika eta nutrizioa, eta Tere Bereau-Mapfre izanen dira aurten bere salgai-hondarrak paratuko dituztenak. Dendariez gain, Lixoia eta Auzoa ostatuek ere bere barra jarriko dute. Aipatzekoa da kiroldegira sartzeko euro bat kobratuko zaiela 18 urtetik goitikoei eta horrela, zenbat jende sartzen den jakiteaz gain, sarrera horrekin, laguntzaile diren ostatuetan tragoxka bat doan hartzeko aukera izanen da. Zehazki, Lixoia, Auzoa, Bidaxka, Errekalde, Zubiondo eta Xuga ostatuak dira ostatu laguntzaileak.