Bortzirietako Hondakinen Mankomunitateak Berako Udalarekin batera, hondakinen kudeaketari buruzko bilerak antolatu ditu. Bi izanen dira bata euskaraz eta bertzea gazteleraz. Kultur Etxean bilduko dira otsailaren 23an, larunbatean goizeko 10:00etan. Euskarazko saioa izanen da hau eta martxoaren 2an, berriz, ordu eta leku berean, gaztelerazkoa eginen dute. Bilera hauekin, materia organikoaren bilketaren egoerari buruzko informazioa zabaldu eta gaian interesa duten guztiei parte hartzeko toki bat eskaini nahi diete.