Besteei laguntzeko helburu bakarrarekin, boluntario gisara lanean aritzen direnek, merezitako omenaldia jasoko dute otsailaren 18an. Berako San Jose Zahar Etxeak boluntarioen eguna antolatu baitu. Boluntarioei egiten duten lana eskertu nahi diete, ekimen berezi baten bidez, besarkada solidarioen bidez. 12:00etatik 12:30ak arte, besarkadak oparituko dizkiete elkarri. Baina aitzinetik, boluntarioek eta zahar etxekoek luntxa izanen dute eguna ongi hasteko. Bertaratzen direnek zahar etxeko eguneroko jarduerak ezagutu eta haietan parte hartzeko aukera izanen dute. Arratsaldean 16:30ak aldera bertze luntx bat dastatuko dute, Errenteriko Roberto Alvarez eta Jose Ignacio Murua musikariek giroa alaitzen duten bitartean. Bertze herrietako boluntarioak ere animatu eta besta egun honetan parte hartzea nahiko lukete antolatzaileek. Elkarrizan boluntario elkartekoak han izanen direla baieztatu dute.