Beti Gazte elkarteak urteko ohiko batzarrerako deialdia egin du. Larunbat honetan, otsailaren 16an, arratsaldeko 7:30ean lehenbiziko deialdian eta 8:00etan bigarrenean eginen da elkartearen egoitzan. Gai ordenari dagokionez, joan den urteko akta irakurri eta, bidezkoa bada, onartu ondotik, iaz egindako ekitaldiak eta kontuen balantzea aztertuko dute. Gero, aurten aurrikusiak duten aurrekontua eta ekitaldiak aurkeztuko dituzte. Kuoten eguneratzea, informazio ezberdinak eta zuzendaritza batzordea berritzeari buruz ere solastuko dira. Segidan, eskari-galderei tartea zabalduko zaie. Batzarra bukatutakoan lunch ttiki bat eskainiko da.