Iazko arrakasta errepikatu asmoz Gazte afaria antolatu dute aurtengoan. Arranon afalduko dute otsailaren 9an. Aurtengoan, Gazte Zukgua prozesuari erreferentzia eginez, fruituen inguruko mozorroak janzteko gonbita luzatu dute. Nahi ez duenari bertze edozein mozorro janzteko askatasuna utziz beti ere. Bertze herrietako gazteak ere animatu nahi izan dituzte Lesakara. Afarirako izena eman nahi duenak Arranora deitu edo hurbildu beharko du.
Joan den urtean, Jalgi Hadi Garaipenera dinamikarekin loturik, 1512ko pertsonaia ezberdinak oinarri hartuta mozorrotu ziren hainbat gazte. Bideo bat ere erakutsi zuten Sara eta Lesaka artean burutuko zen Gazte Martxako deialdia zabalduz. Jendeak ederki pasa zuenez, esperientzia errepikatzea erabaki dute.