Arrano elkartearen 25. urteurreneko ospakizunen baitan hilabetero egin den sukaldaritza lehiaketako sariak banatzeko bazkaria antolatu dute otsailaren 2an. Oraingoan, epaimahaikide lanetan aritu direnak izanen dira sukaldariak, Kotte Iantzi, Andoni Mitxelena eta Garbiñe Baselga. Urtarrilaren 31n bukatuko da izen emateko epea, arranolesaka@gmail.com helbidean edo 948 627597 telefonoan. Menu berezia prestatu dute sari banaketarako: sarrerakoak (txanpinoi bolobanak, puding dastaketa eta sasoiko barazkiak kazulatxoan), itsaso krematsua, legatza otarraineztatua, xolomo aranaz eta kiwi eztiak.