Matzada futbol zelaiak eta Eztegara frontoiak irekiera ordutegia izanen dute hemendik aitzinera. Matzada goizeko 9etatik arratseko 8:30era egonen da zabalik eta frontoia goizeko 9etatik arratseko 9:30era.
Ordutegia jartzeko arrazoia, herritar batzuek egiten duten eremu publiko hauen erabilera kaxkarra izan da. Matzadan argiak eta bankiloak hautsi izan dira eta zikinkeria pilatzen da. Frontoian, berriz, komunak, ateak eta kristalak hautsi dituzte, estintoreak ireki eta kantxa zikindu… Eztegaran argiarekin ere izan dira arazoak eta hori konpontze aldera, hemendik aitzinera frontoia argiarekin erabili nahi duenak aitzinetik izena eman beharko du. Otsailaren 8ra arteko epea izanen da horretarako. Zerrendak osatuak daudenean, apuntatutako jendearekin bertze bilera bat eginen da, ordutegia finkatzeko.